نصايح تيته كوكو لحياتك الزوجيه

نصايح جميلة يارب تعجبكم..😍

👉

الفتره الاخيره كم المشاكل الزوجيه و الشكاوى بقا في تزايد لذا اسمحولي من واقع معايشتي لتجارب صحباتي اني انشر بعض النقاط لعلها تكون سبب في حجب مشكله ما....

⛔

*ماتتجوزيش واحد "مابيصليش او بخيل او بتاع ستات لو وقف علي راسه بارك الله فى اعماركم"

🌱

*صله الرحم و احترام اهله و اهلك

🌱

*مهما حدث لاتنقلي للزوج اي نقاط ضعف تخص اسرتك خاصه الاب و الام .

🌱

*مهما حدث لا تقللي من شأن باباكي و مامتك بل بالعكس اجعليهم في مراتب عليا

🌱

*لا تنقلي نقاط ضعف زوجك لاهلك.

🌱

*خلي لنفسك دايما برستيج مع اهله بلاش تدخلي فاتحه صدرك و دراعاتك و برده ماتتنكيش و تعيشي الدور كل حاجه تتعمل بالاصول .

🌱

*حسك عينك تقولي هبات عند ماما و انت بات عند مامتك ابدااااا.

🌱

*لاتكوني سلبيه و لا تعيشي دور الشهيده و المضحيه لان معظم الرجال لا يروا هذا الجانب تماما و لا يهتموا به.

🌱

* لا تتصلي له في عمله لتناقشي اى هم او غم لا تجعليه يكره مكالمتك

🌱

*لو قالك هجيب لماما او اختي هديه اياكي تفتحي بوقك او تعترضي او تقللي من شان اهلك و تقوليله و ماما !

🌱

*اياكي و نقل الكلام تماما .

🌱

*لا تطرحي ادق تفاصيل حياتك امام اسرته او اسرتك اجعلي دوما لنفسك خصوصيتك .

🌱

*لو حصل اى مشكله في بيت عائله زوجك لا تتدخلي تماما و لا تبدي اي راي حوارات و خناقات بين مامته و خالاته و عماته ف الاخر هيخلص و هيتسلوا عليكي.

🌱

*اوعي تفتكرى انك لما تسيبي زوجك يكلم زميلته ف التليفون قدامك و تعيشي دور الناصحه و انك مراقبه الجو لانك هتكوني مغيبه

🌱

*حوارات نروح مصيف مع بعض انا وزوجي و اصدقائه و زوجاتهم و نقعد في شاليه كبير و كل واحد في اوضته و الحوارات دي خليكي عارفه ان اللي يحضر العفريت هيشربه ف الاخر ...

🌱

*قالك مش معايا فلوس💸 فتعدي تزني عايزه فلوس كل شويه انتي نكد..

🌱

*قالك معايا فلوس فطمعتي مش هيقولك تاني خليكي راكزه و عاقله..

🌱

*اوعي تخليه مايشلش مسؤليه معاكي و تسيبيه ف شغله و تعملي كل حاجه و طالعه نزله باكياس لحد ما صوابعك تتقطع حوار فكسان هوا مش هيبص لدا اللي هيبصله ان صوايع ايدك بعد فتره بقت شبه صوابع سيد السباك مفلطحه..

🌱

*حتت جوزى اهم حاجه ييجي يلاقي البيت فله و انا مش مهم ...انسيها تماما و خليكي ماشيه علي قاعده انا ابقي فله و بيتي يتظبط واحده واحده..

🌱

*صراع الجبابره اللي بتعمليه انتي و العيال لما بيرجع ده هتخليه يشبشبلكوا كلكوا حاولي تبقي انثي و رقيقه و بعد مايروح الشغل اعجني العيال..😂

🌱

*ماتخليش زوجك هوا هدفك الاول في الحياه و ماتنسيش نفسك تماما خلي عندك اهداف خاصه بيكي..

🌱

*اوعي في اى وقت تحسسيه انك خايفه لحسن يتجوز عليكي دايما لو جت السيره عرفيه انك واثقه فيه و حبه ليكي

*خلي عندك دايما ثقه في نفسك قدامه و ماتعديش تعددي علي جسمك اللي باظ

🐥

و شعرك اللي وقع كلمي مامتك و فضفضي معاها بالكلام ده ..

🌱

*خليكي دايما معرفاه ان في شويه جنان ممكن تطلعيه ف اي وقت عشان دايما يبقي خايف من جنانك و عامل حسابه..

🌱

*ماتحكيش اى خلافات بينكوا لاى بني آدم ابداااا و لا صاحبتك.

🌱

*.بلاش نكد و تنشيف دماغ ساعات حاجات هايفه بتتحل بحضن بلاش الشيطان يدخل..

🌱

*علي فكره اغلب الرجاله بتهتم اوى بنظافه اسنان زوجاتها عشان كده ياريت تسلكي ورقه البقدونس الجميله من سنانك قبل ماييجي

و رشه البرفان اللي محوشاها ع قلبك مش هتضر

و لحسه كريم علي كعبك👣 مش هتآذي التشققات و لا هتجرحها في حاجه

وياريت بلاش صباعك ف مناخيرك👃😱 او ودانك 👂طول ماهوا بيكلمك..

🌱*لو حب في مره يجيبلك حاجه اوعي تقوليله لأ دي جوب غاليه و لاشوز غالي انت اولي بالفلوس دي لان اللي هيتفهم من كلامك بعد كدا فلوسي انا اولي بيها و هتفضلي ماشيه بالكام طقم الكحيانين و عايشه في دور بنت الجنايني..

🌱*لو عوزتي لبس او شنطه او شوز بلاش سياسه التلميح و الله ما هيفهموها خشي علطول معاه ف الموضوع .

🌱*صلاتكوا اهم حاجه و شغلي دايما سوره البقره واتقى الله فى كل أفعالك..

---

مزيد من الصور

• 

---