بطاطس على الطريقة الإيطالية

النهارده هنعمل مع بعض البطاطس بطريقة مختلفة ليكي ولأسرتك، جرّبيها وقولي لنا رأيك.

بطاطس على الطريقة الإيطالية
المقادير:
ثمرة بطاطس كبيرة مسلوقة
½ كوب صلصة طماطم
½ كوب دقيق
بيضة
ملح

الطريقة:
1- قشّري البطاطس واهرسيها كويس، وسيبيها لمدة 15 دقيقة تبرد، وبعد كده ضيفي عليها البيض واخلطيهم مع بعض كويس، وبعدين ضيفي الدقيق واعجنيهم مع بعض كويس لحد ما الخليط يتجانس.

2- قطّعي العجينة إلى 4 مكعبات، وبعد كده لفّي كل مكعب (كما هو موضّح بالفيديو)، وبعدين قطّعيها لمكعبات صغيرة، وبعدين شكّليها بالسنون اللي في الشوكة.

3- اغلي ميه على النار وضيفي عليها ملح، وبعد كده حطّي فيها مكعبات البطاطس وسيبيها لحد ما تطفو على الوش، وبعدين سيبيها لمدة دقيقة، وبعدين شيلي البطاطس من الميه وضيفيها لصلصة الطماطم، وقلبيهم كويس مع بعض على النار لمدة دقيقة، وبعدين قدّميها.. وبالهنا والشفا.