ريجيم
بسم الله الرحمن الرحيم
انا كنت عملت موضوع قبل كده عن تاثير الريجيم فى حياتى وقد اية انا اتغيرت قبل وبعد الريجيم
وكتير طلبوا منى انى اكتبلهم الريجيم بتاعى فاتفضلوا معايا للقواعد الهامة فى نظامى واللى الدكتور قالى عليها
اول حاجة الدكتور وزنى على ميزان بيفصل وزن الدهون اللى فى الجسم والمياة الزيادة لوحدها واجالى الزيادة الكلية فى جسمى كلة فانا كمثال وزنى كان 85كيلو ووجد ان الزيادة عندى حوالى 18 كيلو وهما 16 كيلو دهون و2 كيلو مياة فالمفروض اوصل ل67 كيلو بسانا لما وزنى وصل ل70 قالى ثيتى على كدة علشان اتثبيت بيكون فية اتنين كيلو زيادة واتنين نقص ودة عادى فكل واحدة لازم تعرف هيا المفروض تخس قد اية
شرب اى مشروب ساخن على الريق بملعقة عسل نحل (ينسون .نعناع.ماء دافئ مع لمون وزنجبيل.قرفة .ويفضل غلى كمون مع لمون)مسموح بس ب2ملعقة سكر فى اليوم
الماء كثيرا قبل الاكل بربع ساعة
شفط البطن باستمرار وحركة ومجهود ومشى ورياضة على معدة فاضية مع لبس تقيل (شتوى)+كيس مشمع حول البطن
صحيان ونوم مبكر والحفاظ على نظام الوجبات وحمام دافئ مع تدليك كثير مرتين يوميا
ممنوع شرب المياة وسط الاكل وممنوع الاكل امام التليفزيون وممنوع الاكل ثم النوم
عند الاحساس بالجوع بين الوجبات ممكن اكل ( خس .جرجير.فلفل اخضر.2جزر.2فاكهة)
استعمال اكواب كبيرة للمياة والمشروبات الدافية وتصغير اطباق الوجبات لتقليل كمية الاكل
مضغ الطعام جيدا وببطء لان دة بيؤدى لسرعة الاحساس بالشبع
بعد حوالى اول 10 ايام هتلاقى يوم الاكل فية مفتوح ودة عادى ومهم جدا فى نفس الوقت لان دة بيعمل زى عملية صدمة او خدعة للجسم انك سبتى الريجيم وبعد كدة ترجعى لنظامك تانى فتخسى اكتر (اية رايك فى السر الخطير دة اوعى تقولى لحد علية هههههههههههههه)
التمرينات :ـ
تمرينات الذراعين ـ وقوف ودوران الذراعين والكتف لاسفل 8 عدات للامام و8 عدات للخلف
تمرينات للخصر ـ جلوس طويل وفتح الرجلين أقصى مايمكن ثنى الجذع على الفخد للجهة اليمنى 4 عدات ثم اليسرى 4 عدات كررى التمرين 6 مرات
تمرينات البطن (الغلسة )ـ رقود على الظهر وسحب الركبتين الى الصدر ثم فردها للامام فى 8 عدات ويكرر التمرين 10 مرات وشفط البطن 100 مرة يوميا (مفيدة جدا على فكرة )
تمرينات للمقعدة ـ رقود على الظهر والقدمان متوازيتان بينهما مسافة صغيرة ويتم سحب القدمين نحو الكتفين مع رفع المقعدة لاعلى وخفضهما لاسفل (يكرر رفع وخفض المقعدة 10 مرات )
تمرينات للرجلين والحوض ـ رقود على الجانب الايسر والاستناد عى الجانب الايسر والكتف على الارض ومد الرجلين مفرودتين مع استامة الجسم ثم رفع الرجل اليمنى لاعلى مع شد المشط للامام (يكرر التمرين على كل جانب 10 مرات )
بكدة اكون خلصت الجزء الاول من تعليمات هامة وتمرينات وتابعونى فى الجزء التانى بالنظام الغذائى والعلاج
شكر واجب (الشكر كل الشكر للدكتور احمد المصرى اللى انا تابعت معاة وجزاة الله كل خير )
بالنسبة لموضوع التثبيت كتير سالونى علية انة اصعب حاجة وهو فعلا ممكن يكون صعب بس ارجع واقول الارادة والعزيمة لازم يكونوا ملازمينك طول الوقت وكمان الدكتور قالى ان لما الواحد يمشى على نظام رجيم لفترة طويلة بيحصل عملية تقلص لجدار المعدة فبالتاى حجمها بيصغر ودة بيؤدى ان كميات الاكل اللى بناكلها هتقل وفعلا دة حصل معايا ان انا دلوقتى لو جيت اكل فى اليوم المفتوح اللى المفروض اكل كل حاجة نفسى فيها بلاقى نفسى مش قادرة وبطنى بتوجعنى مووووووووووووووووووووووووت ولازم اخد فوار فروتى للهضم او اخد اى قرص للمغص ففعلا المعدة بتكون اخذت على وضع معين
بس اللى بيزيدوا دول بيزيدوا لية انهم لما بييجوا ياكلوا ياكلوا الاكل اللى بيزود الجسم ومبيكلوش الاكل الصحى السليم وبالتالى بيعملوا عملية توسيع تاااااااااااااااااانى لجدار المعدة بس فى الحالة دى الزيادة بتكون مضاعفة ...........ايوة بتكون مضاعفة فخذى بالك من النقطة دى يعنى لو خسيتى 2 كيلو هترجعيهم 4 وبامانة انا دلوقتى فى مرحلة التثبيت ومش حاسة باى تعب ودة اكيد هيريحنى جامد خاصة لما نيجى ندخل ع الشتاء بتكون اصعب فترة بس على مين احنا خلاص ظبتنا المعدة وبقينا تمام
ملحوظات مهمة:
1ـ كنت نسيت اقول ان الموز من الفاكهة من اللى بتخسس وفى نفس الوقت بتخن وبتزيد الجسم ؟؟؟؟؟؟؟؟؟؟ هتقولوا عليا هبلة مش كدة
بس والله دى حقيقة هقولك بيتخن امتى لو اكلتية اول ماتصحى من النوم على معدة فاضية هو بيديكى احساس بالشبع بس بيمط جدار المعدة فتوسع تانى
فتاكلية امتى بعد اى وجبة من الوجبات ويكون صابع واحد بس فى الحالة دى هيشبعك ومش هيفرد جدار المعدة لان الوجبة اللى موجودة قبلة اخدت المكان فى المعدة خلاص وبعدين لما تلعبى رياضة هو هيتحرق بسرعة
2ـ نسيت اكتب اسم دواء دة اللى بياخدة اللى بيكون عندة كمية مياة زيادة فى الجسم فهو بيقوم بعملية اخراجها من الجسم وهو اسمة سيدوفاج وبالنسبة للاسعار علشان اتسالت عل اسعار الادوية هو بجنية وربع الشريط ههههههههههه اة والله بجد بس برضة بحذر تحذير هام ماتخديش اى دواء غير بستشارة دكتور او صيدلى
3ـ بعد اخر 10 ايام انا كتباهم بالنسبة للعشرة اللى بعدهم نفس الجدول ونفس النظام بس بتبدلى بدل 3 أيام فاكهة هتكون بطاطس مسلوقة بدون اى اضافت بس ممكن ذرة ملح خفيف
4ـ ممنوع منعا باتا اخذ اى اكل مكتوب علية دايت لانة بيكون داخل فى مكونات تصنيعة مواد مسرطنة ومسموح بس بالسكر الدايت لكن تيجى تقولى مكرونة دايت او رز دايت او ملح او مايونيز او بيبسى او .....................الخ كل دة ممنوع حفاظا على حياتك وكل معلوماتى دى من الدكتور والله وربنا يعافينا يارب
